ପଦ୍ମପୁର: ପଦ୍ମପୁର ଉପଖଣ୍ଡ ବରିହାପାଲି ପଞ୍ଚାୟତର ଝାଞ୍ଜ ପାହାଡରେ ଦୁଇ ଯୁବକ ନିଖୋଜ। ନିଖୋଜ ଯୁବକମାନେ ହେଲେ ରାଜ ମଲ୍ଲିକ ଓ ଗଣେଶ ଡୁଡୁକା। ସୂଚନା ଅନୁଯାୟୀ, କନସିଂହା ଗ୍ରାମର ମୋଟ ୯ ଜଣ ଯୁବକ ଗତକାଲି ଝାଞ୍ଜ ପାହାଡ ପାଦଦେଶରେ ଅବସ୍ଥିତ କୁଠିଖୋଳକୁ ଗାଧୋଇବା ପାଇଁ ଯାଇଥିଲେ। ପରେ ସେମାନେ ଝାଞ୍ଜ ପାହାଡ ଉପରକୁ ଚଢ଼ିଥିଲେ। ତେବେ କିଛି ସମୟ ପରେ ଦଳର ଦୁଇ ଜଣ ସଦସ୍ୟ ଅନ୍ୟମାନଙ୍କଠାରୁ ବିଚ୍ଛିନ୍ନ ହୋଇଯାଇଥିଲେ ଏବଂ ସେମାନଙ୍କର କୌଣସି ପତ୍ତା ମିଳିନଥିଲା।
ଘଟଣା ସମ୍ପର୍କରେ ସ୍ଥାନୀୟ ଲୋକ ଏବଂ ବନ ବିଭାଗକୁ ସୂଚନା ଦେବା ପରେ ରାତିରୁ ହିଁ ବ୍ୟାପକ ଖୋଜାଖୋଜି ଅଭିଯାନ ଆରମ୍ଭ କରାଯାଇଛି । ବନ ବିଭାଗର କର୍ମଚାରୀ, ସ୍ଥାନୀୟ ଲୋକଙ୍କ ସହାୟତାରେ ନିଖୋଜ ଯୁବକମାନଙ୍କ ସନ୍ଧାନ ପାଇଁ ପ୍ରୟାସ ଜାରି ରଖିଛି। ତେବେ ବର୍ତ୍ତମାନନ ସୁଦ୍ଧା ଉଭୟ ଯୁବକଙ୍କ କୌଣସି ସନ୍ଧାନ ମିଳିନଥିବା ଜଣାପଡ଼ିଛି।